Майăн  18-мěшě – Пěтěм  тěнчери  музейсен  кунě. Çак  кун  Г.Айхи  ячěллě  Çěньялти  тěп  шкул  музейě  кунěпех  алăкне  яри  уçрě. Кăçал  вăл  пачах  урăх  сăнлă: çěнě  стендсем  куçа  илěртеççě, çěнě  экспонатсемпе  пуянланнă. Музей  ертÿçи  Мария  Ильинична  Мадюкова  кашни  килекене  ял, колхоз, шкул  историйě  çинчен  интереслě  каласа  парать. Г.Айхи  музейěнче  те  кăсăкли нумай. Кун  каçипех  хамăр  шкулта  вěренекенсем – кěçěн  класран  пуçласа  аслисем  таранах  экскурсире  пулса  нумай  çěннине  пěлчěç. Çавăн  пекех  Турханти  психоневрологи  интернатěнче  ěçлекенсен  делегацийě  те  пирěн  патăмăрта  пěрремěш  хут  пулчě. Музей  чăннипех  пысăк  пěлтерěшлě  пулнине  палăртрěç. Ял  çыннисем  те  ятарласах  музейпа  паллашма  килчěç, чылайăшě   килтен  тата  экспонатсем  илсе  килме  шантарчě. Ēç  ветеранě  Мария  Алексеевна  Терентьева  хаклавěнчен: « Кунта  унччен  те  пулнăччě-ха, анчах  халь  музей  чылай  çěнелнине  палăртмалла. Хампа  пěрле  фермăра  ěçленě  тантăшсен  сăн  ÿкерчěкěсене  куртăм  та  чун савăнчě. Пире  те  манман  иккен. Малашне  те  ку ěçре  тăрăшакансене  сывлăх  тата  ăнăçу  сунатăп».

ФОТООТЧЕТ