Патăрьел районĕнчи «Г.Айхи ячěпе хисепленсе тăракан Çěньялти пĕтĕмĕшле тĕп пĕлӳ паракан шкулта» паянтан чăваш чěлхипе литература эрни старт илчě. Кăçал эрнене Раççейри экологи çулталăкне, Чăваш енри аттепе анне çулталăкне, Патăрьел районĕ 90 çул тултарнине халалланă.
Ēç планěнче интереслě мероприятисем сахалах мар. Акă паян шкулта йěркеленě «Илемлен, чечеклен, Патăрьелěм-паттăр ен» кĕнекесемпе хаçат-журнал выставки те пуриншěн интереслě. Кунта ентешсен район историйěпе çыхăннă кěнекисем нумай: Патăрьел район энциклопедийěн икě томě, Асăну кěнеки, И.Пахомов, В.Яковлева, Д.Коннов,Л.Лялькин, Я.Сорокин, пирěн шкултан вěренсе тухнă Н.Н.Осипов, хамăр ял çынни М.Е.Нестеров т.ыт.те тěрлě çулсенче çырнă истори хайлавěсем пуриншěн те кăсăк пулмалла. Выставка эрне тăрăшшĕпех ěçлет.